Almaty polıtseıleri óz úıinde asylyp qalǵan zeınetkerdi qutqardy

ASTANA. QazAqparat – Almaty qalasynyń polıtsııa qyzmetkerleri páterinde asylyp turǵan 65 jastaǵy er adamdy qutqaryp qaldy. Bul týraly Іshki ister mınıstrliginiń onlaın-brıfınginde vedomstvo ókili Shuǵyla Turlybek aıtty, dep habarlaıdy QazAqparat tilshisi.

«Ol mas kúıinde ómirmen esep aıyrysýǵa bel baılapty. Biraq odan buryn qoshtasý úshin týystary men tanystaryna habarlasqan. Birinshi bolyp onyń dosy 102 nómirine qońyraý shalǵan. Sýıtsıdke bel baılaǵan adamnyń páter esigi qulyptaýly boldy. Polıtsııa ony amalsyz buzyp kirdi. Olar úıge kirgende jylytý radıatoryna asylyp turǵan er adamdy kórip, dereý sheship alǵan. Er adamǵa alǵashqy kómek kórsetilip, dereý syrtqa shyǵarylyp, jedel járdem shaqyrdyq», - dep málim etti Shuǵyla Turlybek.

Qosa keteıik, polıtsııa qyzmetkerleri ótken aptada bir táýlik ishinde 1 825 qylmystyń betin ashqan.