Almaty polıtseıleri elektrosamokatpen júrýi múmkin

Almatylyq polıtseıler aldaǵy ýaqytta samokat minip júrýi múmkin. Qazir pılottyq joba megapolıstiń bir aýdanda júzege asyrylyp jatyr, dep habarlaıdy QazAqparat tilshisi.

Almaty qalalyq polıtsııa departamentiniń málimetinshe, jańashyldyq synaq túrinde Medeý aýdanynda engizildi.

«Samokat mingen birneshe mobıldi top tártipti qamtamasyz etý maqsatynda megapolıstegi saıabaqtarda kezekshilik etýde», - dep habarlady polıtsııadan.

Vedomstvodan málim etkendeı, jyl basynan beri Almatyda samokat mingender jasaǵan jeti myńǵa jýyq quqyqbuzýshylyq tirkeldi. Buǵan deıin olar jol qozǵalysyna qatysýshylar sııaqty jazalansa, qazir júrgizýshiler retinde jaýapqa tartylady.