«Almaty-Petropavl» baǵytyndaǵy poıyz shuǵyl toqtaýǵa májbúr boldy

ASTANA. QazAqparat - Búgin tehnıkalyq sebepterge baılanysty «Astana-Petropavl» ýchaskesinde №105 «Almaty-Petropavl» poıyzy jóneltilmeıdi, dep habarlaıdy QazAqparat «Jolaýshylar tasymaly» AQ baspasóz qyzmetine silteme jasap.

2022 jyldyń 21 qyrkúıeginde saǵat 04.27-de «Almaty-Petropavl» baǵytyndaǵy №105 jolaýshylar poıyzy «Qaraǵandy-Astana» ýchaskesinde shuǵyl toqtaǵan, tehnıkalyq vagonnyń aqaýyna baılanysty aıaldaýǵa májbúr bolǵan.

Poıyzdaǵy adamdardyń syıymdylyǵy - 53%. Qaza bolǵandar men zardap shekkender joq.

«Jolaýshylar tasymaly» AQ jol júrý qujattaryna sáıkes jolaýshylardy mejeli oryndaryna jetkizýdi uıymdastyrý máselelerimen aınalysyp jatyr.

«Almaty-2-Nur-Sultan» baǵytyndaǵy №3 poıyzǵa Nur-Sultan Nurly jol stantsııasyna deıin, odan ári Petropavl stantsııasyna deıin jolaýshylardy aýystyryp otyrǵyzý josparlanýda.

Tergeý júrgizý úshin «QTJ» UK» AQ komıssııasy quryldy.