Almaty, Pavlodar, Túrkistan oblystarynda 5 birdeı kóterme-taratý ortalyǵy salynady
«Birinshi kezeńde aýyl sharýashylyǵy taýarlaryn saqtaýǵa arnalǵan 5 kóterme-taratý ortalyǵyn Almaty, Pavlodar jáne Túrkistan oblystarynda salý josparlanyp otyr. Biz bıyl 600 myń tonnalyq kúzgi ónimdi osy nysandarda ornalastyrǵymyz keledi. Kelesi eki kezeńde, respýblıkalyq bıýdjettiń shekteýli múmkindikterin, sondaı-aq kóterme-taratý ortalyqtarynyń aýqymyn eskere otyryp, memlekettik-jekeshelik áriptestik mehanızmin qoldanamyz. Jobany iske asyrýdyń jalpy quny 237,5 mlrd teńgeni quraıdy», - dedi Baqyt Sultanov Úkimet otyrysynda.
Onyń aıtýynsha taýar ótkizý júıesin qurý shamamen 10,5 myń, onyń ishinde qurylys kezeńine 4,2 myń, nysandardy paıdalanýǵa 6,3 myń mamandy tartýǵa jáne jumys oryndarymen qamtamasyz etýge múmkindik beredi.
«Nysandardy salý úshin otandyq jobalaý jáne qurylys kompanııalary tartylady. Jalpy 2022 jylǵa qaraı kólemi jylyna 4,8 mln tonna qýatty quraıtyn tetikti ázirlep usynamyz. Bul qýat tapshylyǵyn tolyq qamtyp, aldaǵy ýaqytta eksporttyq ekspansııaǵa jaǵdaı jasaıdy. Biz ákimdiktermen alǵashqy eki kezeń úshin jer telimin bólý máselesin pysyqtadyq. Qalǵan 15 nysan boıynsha jumys qysqa merzimde júrgiziledi», - dedi ol.