Almaty-Otar ýchaskesinde temir jol qozǵalysy qaıta jandandy
«2016 jyly 7 qarashada 14:15-te Almaty-Otar aýmaǵyndaǵy Saz stansasynyń temir jol qozǵalysy qaıta jandandy. Jolaýshylar poıyzy baǵyt alǵan jolyn qaıta jalǵastyrady. «Jolaýshylar tasymaly» AQ jolaýshylardy tamaqtandyrý jumysyn uıymdastyrdy. Belgilengen núktege jetken jolaýshylar «Temirjol kóligi týraly» QR Zańyna jáne QR Temirjol kóliginiń jolaýshylardy, bagajdy jáne júk bagajyn tasymaldaý erejesine sáıkes ótemaqy alatyn bolady».
Eske sala ketsek, búgin tańǵy 5 saǵat 18 mınýtta Almaty jol bólimshesiniń Almaty-Otar jelisindegi Saz stansasynda ekinshi joldan №2851 júk poıyzynyń 12 vagony shyǵyp ketken bolatyn.
Oqıǵa ornynda Almaty jol bólimshesiniń qalpyna keltirý poıyzy jumys isteýde. 8 jolaýshylar poıyzy kesteden keshikti. Apat sebebin anyqtaý úshin «QTJ» UK» AQ janynan arnaıy komıssııa quryldy.