Almaty-Óskemen avtojolynda qańtar oqıǵasynda urlanýy múmkin qarý tabyldy
23:23, 13 Aqpan 2023
QONAEV. QazAqparat – Almaty-Óskemen avtojoly boıynda qańtar oqıǵasynda urlanǵan bolýy múmkin qarý tabyldy, dep habarlaıdy QazAqparat tilshisi.
Almaty oblysynyń polıtsııa departamentinen habarlaǵandaı, 13 aqpan kúni Almaty-Óskemen avtojolynda, Arna aýylynyń mańynan polıetılen paketine salynǵan myltyq tabyldy. Naqty aıtqanda, paket ishinde qańtar oqıǵasy kezinde urlanǵan bolýy múmkin BENELLI 12 kalıbrli tegis uńǵyly myltyq bolǵan.
«Osy oqıǵa Qonaev QPB-da tirkeldi. Qajetti saraptamalyq tekserýler taǵaıyndaldy jáne tergeý júrgizilip jatyr», - dep habarlady Almaty oblysynyń polıtsııa departamentiniń baspasóz qyzmetinde.
Foto: Almaty oblysynyń polıtsııa departamenti