Almaty Open ATP 250 týrnırine qatysýshylar kele bastady

<p>ALMATY. KAZINFORM &ndash; Almaty qalasynda 13-20 qazan aralyǵynda alǵash ret Almaty Open ATP 250 týrnıri ótedi.&nbsp;</p>

Bul – ATP aıasynda Qazaqstanda ótetin besinshi týrnır. Osyǵan deıin atalmysh jarys Astanada uıymdastyrylyp kelse, Almaty Arena stadıonynda birinshi ret ótkeli otyr. 

Aıtýly dodaǵa Qytaıdaǵy jarystardan keıin qatysýshylar kele bastady. Jańa kortty alǵashqy bolyp qazaqstandyqtar, Devıs kýbogynda el namysyn 50 márte qorǵaǵan Mıhaıl Kýkýshkın, sondaı-aq jýyrda elimizdiń eresekter quramasynda bastapqy oıynyn ótkizgen Beıbit Juqaev baıqap kórdi.

Foto: QTF

Taıaý kúnderi týrnırge álemdik reıtıngide TOP-30-ǵa kiretin Frensıs Tıafo (№17 ATP), Sebastıan Korda (№19 ATP), Alehandro Tabılo (№23 ATP), Karen Hachanov (№25 ATP) jáne taǵy da basqa tennısshiler keledi. 

Ókinishke qaraı, densaýlyǵyna jáne alǵan jaraqattaryna baılanysty Almaty Open ATP 250 týrnırinde frantsııalyq Artýr Fıs, ıtalııalyq Flavıo Kabollı jáne Qazaqstannyń kóshbasshy tennısshisi Aleksandr Býblık óner kórsete almaıdy. 

Býblık ótken jyly dál osy mezgilde Belgııanyń Antverpen qalasynda chempıon atanǵan edi. Bul joly ol Almatyny tańdaǵanmen, jaraqatyna baılanysty qatysa almaıtyn boldy.

Qazaqstandyqtardan Beıbit Juqaevpen qosa Tımofeı Skatov t negizgi jarysqa arnaıy shaqyrtý (wild card) aldy. Іrikteý saıysynda 16 jasar Ámir Omarhanov (wild card) baq synap kóredi. 

Juptyq synda negizgi dodada Aleksandr Shevchenko – Tımofeı Skatov jáne Denıs Evseev – Beıbit Juqaev oınaıdy. 

Denıs Evseev (Almaty), Beıbit Juqaev (Aqtaý) jáne Ámir Omarhanov (Qaraǵandy) Qazaqstan tennıs mektebiniń túlekteri bolsa, Tımofeı Skatov – Petropavldyń týmasy. 

Eske sala keteıik, budan buryn Qytaıdaǵy týrnırdiń qazaqstandyq tennısshiler úshin sátti bastalǵanyn jazǵan bolatynbyz.