Almaty oblysynyń sharýalary medıtsına mamandaryna tegin qymyz jetkizip berip júr
Osyndaı sharýa qojalyqtardyń arasynda Dastan Syrttanov, Erbolat Tasbolat, Qalqaman Samalbek syndy ózge de birqatar azamattar bar. Qymyzdy jetkizýge sharýa qojalyq ıelerine jergilikti volonterler qolǵabys etedi. Osy ýaqytta sharýa qojalyqtarynyń jomarttyǵynyń arqasynda 40 otbasyna qymyz jetkizildi.
«Qazirgi jaǵdaıda densaýlyǵyńdy kútip, jaqyndaryńa qamqor bolǵan jón. Qaýipti vırýs júzdegen adamnyń ómirin qıdy. Osyndaı jaǵdaıda biz qalyń kópshilikke qol ushyn sozyp, ortaq isten syrt qalmaýymyz kerek. Іndetpen birlese otyryp kúresý kerek. Qymyzdyń shıpalyq qasıeti halqymyzǵa ejeldan aıan. Sondyqtan biz bul isti áli de jalǵastyramyz»,-dedi Dastan Ómirzaquly.
Aıta ketetin másele, sharýa qojalyǵynyń ıeleri ortalyq aýdandyq aýrýhanadaǵy naýqastar men medıtsına mamandary úshin qoı eti men 50 lıtr qymyz jetkizip berdi.
Hasan Espanov