Almaty oblysynyń shalǵaı aýylynda ambýlatorııa ashyldy

TALDYQORǴAN. QazAqparat -  Búgin Almaty oblysynyń Panfılov aýdanynda dárigerlik  ambýlatorııa ashyldy. 50 oryndyq nysan Sholaqaı aýylynda paıdalanýǵa berildi, dep habarlaıdy QazAqparat tilshisi.

Mekemeniń  qurylys jumystary byltyr kúzde bastalǵan. "Nurly jol" baǵdarlamasy aıasynda qazynadan 210 mln teńge bólindi. Ǵımarattyń ashylý saltanatyna Panfılov aýdanynyń  ákimi Berdáýlet Abdýldaev kelip,  turǵyndardy Tuńǵysh Prezıdent kúnimen quttyqtap, emhana basshysyna jedel járdem kóliginiń kiltin tabystady.

 

«Qural-jabdyqtardyń barlyǵy jańa ári zamanaýı. Mamandardy arnaıy kýrstardan ótkizdik. Jańa jabdyqtardyń tilin barlyǵy biledi», - dedi Panfılov aýdanynyń ákimi.

 

Sholaqaı aýylynda 5 myńnan asa turǵyn bar. Buǵan deıin sholaqaılyqtar  kishkentaı dárigerlik pýnktke baryp qaralatyn. Tipti, aýdan ortalyǵyna sabylatyn.