Almaty oblysynyń prokýratýrasy «QazAvtoJol» kompanııasyna qatysty sotqa deıingi tergeýdi bastady

ASTANA. QazAqparat - «QazAvtoJol» UQ AQ qatysty avtojoldardy tıisinshe ustamaǵany úshin Almaty oblys prokýratýrasy sotqa deıingi tergeýdi bastady, dep habarlaıdy QazAqparat.

«Almaty oblysynyń prokýratýrasy joldardy paıdalanýǵa jáne jol qozǵalysy qaýipsizdigin qamtamasyz etýge jaýapty tulǵalarǵa qatysty Qylmystyq kodekstiń 353-babynyń 3-bóligimen «Abaısyzda adamnyń ólimine ákep soqtyrǵan kólikte qoldanylatyn qaǵıdalardy buzý» deregi boıynsha sotqa deıingi tergep-tekserýdi bastady.

Prokýratýra «Almaty-Shelek-Qorǵas» respýblıkalyq mańyzy bar joldyń 165-shi shaqyrymynda jol apaty saldarynan bir adamnyń qaza bolýyna sebepker bolǵan qyzmetkerlerdi jaýapqa tartpaq.

Osy apattyń negizgi sebebi – kóktaıǵaq jáne «QazAvtoJol»UK» AQ-nyń tarapynan jol jamylǵysyn ýaqtyly tazalamaý.

Óz kezeginde, «Avtomobıl joldary týraly» QR Zańynyń 19-babyna sáıkes jol organy jáne avtomobıl joldaryn basqarýshylar qyzmet kórsetetin avtomobıl joldary jáne olardaǵy qurylystar kólik quraldarynyń úzdiksiz jáne qaýipsiz júrýin qamtamasyz etetin jaǵdaıda kútip ustalýy úshin jaýapty»,-delingen habarlamada.

Іsti tergeýmen Almaty oblysy polıtsııa departamentiniń tergeý basqarmasy aınalysýda. Qazirgi ýaqytta tergeý organy isti durys sheshýge qajetti jáne jetkilikti mán-jaılardy jan-jaqty, tolyq jáne obektıvti zertteýge baǵyttalǵan tergeý is-sharalaryn júrgizýde.