Almaty oblysynyń prokýratýrasy 3500 myń gektar jaıylymdyq jerdi qaıtardy
Memleket basshysy óz joldaýynda birneshe ret, onyń ishinde 2022 jylǵy 1 qyrkúıeginde fermerlerdiń aýyl sharýashylyǵy jerlerine ataqty tegi bar adamdarǵa tıesili bolýyna baılanysty qoljetimdiliktiń bolmaýy problemalaryn atap ótken, egistik aýmaqtar men jaıylymdardy paıdalanýdyń tıimdiligin arttyrý jóninde sharalar qabyldaýǵa shaqyrǵan bolatyn.
Almaty oblysynyń prokýratýrasy el basshylyǵynyń tapsyrmasyn oryndaý sheńberinde Eńbekshiqazaq aýdanyndaǵy 3500 gektar jerdi qaıtaryp berdi. 2017 jyly Forbs tizimindegi belgili kásipkerge olardy shalǵaıdaǵy (maýsymdyq) mal sharýashylyǵyna arnalǵan jerler quramynan shyǵarý jolymen zańsyz berilgen.
Qazirgi ýaqytta úshinshi tulǵalarǵa jerdi qaıta berý faktilerin boldyrmaý maqsatynda atalǵan jerlerdi jergilikti turǵyndar úshin qoǵamdyq jaıylymdarǵa berý boıynsha jumystar júrgizilýde.
Sonymen qatar, jyl basynan beri joǵary laýazymdy tulǵalar men iri bıznesmenderge tıesili 26,8 myń ga jer, kadastrlyq quny 714 mln. teńge memleket paıdasyna qaıtaryldy.
Bul jerler jyldar boıy maqsatyna saı paıdalanylmaǵan, jemshóp daqyldaryn ósirý júzege asyrylmaǵan, osy sharýashylyqtardyń balansynda aýylsharýashylyq janýarlary da bolmaǵan.
Qosa aıtqanda, basqa adal fermerler egistik jáne jaıylymdyq jerlerge óte muqtaj bolǵan.