Almaty oblysynyń polıtsııasy soqqyǵa jyǵylǵan oqýshyǵa qatysty túsinik berdi
15:25, 10 Jeltoqsan 2021
ALMATY. QazAqparat – Almaty oblysynda polıtsııa soqqyǵa jyǵylǵan oqýshyǵa qatysty oqıǵaǵa túsinik berdi, dep habarlaıdy QazAqparat tilshisi.
Almaty oblystyq Polıtsııa departamentiniń málimetinshe, 6 jeltoqsanda Eńbekshiqazaq aýdany Rahat aýyldyq okrýginde oqýshylar arasynda janjal týyndaǵan.
«Tekserý barysynda oqıǵanyń sabaqtan keıin, saǵat 13:30-da №1 mekteptiń 10 jáne 11-synyp oqýshylary arasynda bolǵany anyqtaldy. Atalǵan fakti boıynsha QR QK-niń 293-baby boıynsha sotqa deıingi tergeý jumystary bastaldy (buzaqylyq)», - dedi polıtsııadan.
Tergeý aıasynda sot-medıtsınalyq saraptama taǵaıyndaldy.
Tergeý barysyn PD basshylyǵy óz baqylaýyna alǵan. Atalǵan fakti boıynsha materıaldar kámeletke tolmaǵandardyń quqyǵyn qorǵaý jónindegi komıssııaǵa jiberiledi.
Avtory: Gúlzat Sahova