Almaty oblysynyń orman alqabyndaǵy órt oshaǵynyń kóp bóligi sóndirildi
14-15 sáýirde Almaty oblysy Balqash aýdanynda bolǵan órt «Kúrti orman sharýashylyǵy» KMM Taýqum ormanshylyǵynyń, «Baqanas» KMM Kóktal jáne Aqkól ormanshylyǵynyń, sondaı-aq Іle-Balqash memlekettik tabıǵı rezervatynyń aýmaqtaryn qamtydy.
Taýqum ormanshylyǵy aýmaǵynda órt 15 sáýir kúni keshke toqtatyldy. Oqıǵa ornynda órtti tolyq oqshaýlaý boıynsha jumys júrgizilip jatyr. Oǵan memlekettik orman kúzetinen 24 adam, órt sóndirý kóligi, traktor, 3 jeńil avtokólik, aýdandyq TJ bóliminen 6 adam jáne jeńil avto qatysty.
Kóktal ormanshylyǵynda da órt toqtatyldy. Órtti sóndirýge aýdandyq TJ bóliminen 22 adam, memlekettik orman kúzetinen 2 órt sóndirý mashınasy, traktor, 4 patrýldik kólik, aýdandyq TJ bóliminen 5 adam jáne órt sóndirý kóligi jumyldyryldy.
Aqkól ormanshylyǵynda órt «Qazavıaormanqorǵaý» RMQK 7 adam jáne aýdandyq okrýgten 3 adam kúshimen sóndirildi.
Sonymen qatar, Іle-Balqash memlekettik tabıǵı rezervatynyń aýmaǵynda, Balqash mańynda, Qaraǵandy oblysymen shektesetin Uzynaral aralynda órt baıqalady. Ony sóndirýge 24 adam men 4 avtokólik jumyldyrylǵan.
Іle-Balqash MTR Balqash mańy fılıalyna shekaralas Qaraǵandy oblysymen shektesetin Uzynaral araly órtenip jatyr. Órtti toqtatý jumystaryn 24 adam, 4 avtokólik júrgizýde.
Іle saǵasy fılıalyndaǵy órt toqtatylyp, órtti joıý jumystary jalǵastyrylýda, órtenip jatqan jer qamysty, sýly-batpaqty, jolsyz aýmaqtar bolǵandyqtan tehnıkanyń, adam kúshiniń órt aýmaǵyna tikeleı kirip, tolyq óshirýine múmkindik bermeýde.
Órtti sóndirý kezinde adamdardyń jaraqattanýy men shyǵyny bolǵan joq.
Vedomstvonyń habarlaýynsha, órt kólemi jáne keltirilgen zalal týraly aqparat naqtylanady.
Eske sala ketsek, Almaty oblysynda Balqash kóliniń jaǵalaýyndaǵy qamys órtenip, saldarynan balyq sharýashylyǵyna zııan kelip, bir adam zardap shekken edi.