Almaty oblysynyń Kóksý aýdanynda jerlester kezdesýi ótti

TALDYQORǴAN. QazAqparat - Almaty oblysynyń Kóksý aýdanynda jerlester bas qosty. Elbasynyń «Bolashaqqa baǵdar: rýhanı jańǵyrý» atty baǵdarlamalyq maqalasy aıasynda kezdesken aýdan týmalary týǵan jeriniń gúldenýine úles qosýǵa daıyn ekendikterin jetkizdi, dep habarlaıdy QazAqparat tilshisi. 

Kıeli Kóksý óńirinde kıno akterlar Nurjuman Yqtymbaev, Álimǵazy Raıymbekov, aqyn-jazýshylar Saǵyndyq Táneke, Zaıda Elǵondınova, Núrıla Bektemirova, Álı Ysqaqbaı, Tursyn Ábdýálı, óner ıeleri Jaqyp Ábiltaev, Naǵıma Talasbaeva, Darıǵa Tilendıeva, Bolat Atabaev, Amangeldi Toqymbetov, Álı Alpysbaev, Sáken Abdrahmanov, Olımpıada chempıony Máýlen Mamyrov syńdy sańylaqtar dúnıege kelgen. 

«Іsker azamat-El tiregi» atty jerlester kezdesýinde aýdannyń áleýmettik ekonomıkalyq damýyna, mádenıeti men rýhanııatyna óz úlesin qosyp júrgen Tóken Eginbaevqa pen Dosanǵalı Daýylbaevqa «Kóksý aýdanynyń Qurmetti Azamaty» ataǵy berildi. Jalpy osy ataq búgingi kúnge deıin 261 adamǵa berilgen. 

Jerlester aqyldasa kele aýdanymyzdaǵy halyqtyń turmys-tirshiligin jáne densaýlyǵyn jaqsartý maqsatynda búgingi kúnge deıin júzege aspaı turǵan 10-nan asa jobaǵa kómek kórsetemiz dep ýaǵdalasty. 

Máselen «Keń dala» sharýa qojalyǵynyń jetekshisi Qalıbek Alpysbaev Máýlimbaı aýylyndaǵy 3 kósheniń jaryqtandyrý jumystaryna qajet 9,4 mln teńgeni óz qaltasynan shyǵaratynyn jetkizdi. Al kásipker Qýat Júnisov quny 7,3 mln bolatyn aýdan ortalyǵynda shaǵyn stadıon qurylysynyń qarajatyna tolyǵymen kómek kórsetetinin aıtty