Almaty oblysynyń əkimi 15 balanyń tusaýyn kesti
Jetisý jeriniń jastary tikken qazaq úı aldynda tusaýkeser rəsimi ótti. Bul jerde 10 jas ana səbılerimen qatar turyp, Amandyq Batalovqa balalardyń tusaýyn kestirdi. Al qalǵan bes balanyń tusaý kesý rəsimi ər kıiz úıdiń aldynda ótti.
Sondaı-aq Ulystyń uly kúni Jetisý jerinde sportshylardyń jarysymen de erekshe este qaldy. Bilekti er azamattar 35 keliden astam qoıdy kóterýden synǵa tústi. Qoıdy ıyǵyna salyp, keminde 70 retten kótergen er azamattardyń kúsh-jigeri kópshilikti tənti etti. Sonymen qatar, Əz Naýryz merekesinde teatrlandyrylǵan qoıylym halyqqa erekshe kóńil-kúı syılady.
Esterińizge sala keteıik, búgin Jetisý jurtshylyǵy Naýryz meıramyn erekshe sən-saltanatpen qarsy aldy. Əz Naýryz meıramy «Bulaq kózin ashý» rásimimen bastalyp, sharalar «Jastar» saıabaǵy mańynda arnaıy tigilgen kıiz úıler qalashyǵynda jalǵasty.
«Nur sebele, Ulystyń Uly kúni» merekelik sharasynda júzdegen qala turǵyny men qonaqtary oblystyq mekeme-uıymdar uıymdastyrǵan kıiz úıler qalashyǵynyń aldyna qoıylǵan túrli kórmelerdi tamashalady. Atap aıtqanda, halyq dástúrleriniń kórmeleri, qolóner jáne qylqalam sheberleriniń «Sheberler aýyly», balalar kórkemóner mektebi tárbıelenýshileri týyndylarynyń, Qazaqstan halqy Assambleıasynyń ulttyq-mádenı ortalyqtarynyń «Dostyq alańy» kórmeleri, sol sııaqty kásiporyndar men shaǵyn jáne orta bıznes nysandarynyń «Qazaqstanda jasalǵan» kórmesi usynyldy. Sondaı-aq ulttyq sporttyq oıyndardy ótkizýge arnalǵan alańdar uıymdastyryldy.
Mereke mazmundy kontsertpen jalǵasty. Keshkilik jastarǵa arnalǵan bı keshi uıymdastyrylady.