Almaty oblysynyń ındýstrıaldy aımaqtarynda 17 kásiporyn jumys isteıdi

TALDYQORǴAN.QazAqparat - Almaty oblysyndaǵy ındýstrıaldy aımaqtarda 17 kásiporyn jumys istese, aldaǵy ýaqytta onyń sanyn 400-ge jetkizýge múmkindik bar. 

Bul týraly oblys ákimi Amandyq Batalov Ortalyq kommýnıkatsııalar qyzmetinde ótken brıfıng barysynda aıtty,  dep habarlaıdy QazAqparat tilshisi.

«Seriktes qala «GateCity» aýmaǵynda «Bereke» jańa ındýstrıaldy aımaǵy qurylyp, onda iri kompanııalardyń qatysýymen jalpy quny 90 mlrd teńgelik, 2 myń jumys orny qurylatyn 5 iri ınvestıtsııalyq joba júzege asyryla bastady. Olardyń qatarynda et polýfabrıkattaryn shyǵaratyn «Baýmann» (Germanııa), kartop óńdeıtin «Farmfrıts» (Gollandııa), jylyjaı sharýashylyǵy boıynsha «Ekokýltýr» (Reseı) kompanııalary bar», - dedi Amandyq Batalov.

Sondaı-aq oblysta «Taldyqorǵan», «Bereke», «Arna», «Boraldaı», «Qazybek bek», «Qaırat» - 6 ındýstrıaldy aımaq bar ekeni jáne olardyń barlyq qajetti ınfraqurylymmen qamtamasyz etilgeni aıtyldy.