Almaty oblysynyń halqy jaryq pen jylýǵa 1,2 mlrd teńge artyq tólegen

TALDYQORǴAN. QazAqparat - Almaty oblysynyń turǵyndary jaryq pen jylýǵa 1,2 mlrd teńge artyq tólem jasaǵan. Endi tutynýshylardyń artyq kommýnaldyq tólemderi ózderine qaıtarylady, dep habarlaıdy QazAqparat tilshisi.

Almaty oblystyq prokýratýrasy baspasóz qyzmetiniń málimetinshe, prokýrorlyq tekseris sheńberinde shyǵyndardy zańsyz asyra kórsetý, tarıftik smetaǵa negizdelmegen shyǵyndardy engizý, sonymen qatar ınvestıtsııalyq baǵdarlamalardy oryndamaý faktileri anyqtalǵan. ıAǵnı, zań buzýshylyqtar tórt kompanııanyń  qyzmetinde oryn alǵan. Olar - «Jetysý energotreıd» JShS, «Taldyqorǵan aktsıonerlik tasymaldaýshy elektr jelilik kompanııasy» AQ, «Taldyqorǵan jylý servısi» MKK jáne «Qapshaǵaı jylý» MKK. Máselen, «Taldyqorǵan jylý servısi» MKK 372,3 mln teńgege qyzmet kórsetý men jelilerdi jóndeýdi tarıfke negizsiz qosqan. Prokýrorlyq qadaǵalaý aktileri boıynsha jylý energııasyna 1 myń teńgeden artyq (6 332,68 teńge/Gkall-dan bastap 5 298,66 teńge/Gkall-ǵa deıin) tarıf tómendetildi.

Jymqyrý jáne talan-tarajǵa salý faktileri boıynsha monopolısterge qatysty sotqa deıingi tergep-tekserý bastaldy.