Almaty oblysynyń Eńbekshiqazaq aýdanynda úsh aýysymdy bes mektep bar
Halyq sanynyń jyldam ósýin esepke alǵanda aldaǵy jyldary úsh aýysymda oqytatyn taǵy 7 mektep paıda bolýy múmkin.
Almaty oblysynyń ákimi Qanat Bozymbaev aýdan turǵyndaryn jeke máseleleri boıynsha qabyldady. Qabyldaýǵa kelgen Aıjan Talqabaeva Birlik aýylyna jańa mektep salýdy surady. Ázirge mundaǵy balalar kórshi aýyldaǵy mektepke baryp oqyp júr. Olardy avtobýspen tasymaldaý jolǵa qoıylǵanymen, mektep úsh aýysymda oqytatyndyqtan oqýshylar úılerine jetkenshe tym kesh bolady.
Esik qalasynyń turǵyny Raýshan Tópelovti de balalardyń qaýipsizdigin qamtamasyz etý jaıy alańdatady. Ýálıhanov kóshesinde jaıaý júrginshi joly joq, 3 shaǵyn aýdannyń balalary mektepke sýarý kanalyn qorshap turǵan plıtalarmen júrip barady. Oblys ákimi bul máseleni áleýmettik jeliden oqyǵanyn aıtty. Bul kóshege trotýar salýǵa qajetti 129 mıllıon teńgeniń bastapqy 50 mln teńgesi bólinip, qurylys jumystary sáýir aıynda bastalatyny aıtyldy. Merdiger mekeme anyqtalǵan.
Aıta keteıik, aýdanda 125 saıajaı massıvi bar, olarda 28 myńdaı adam turaqty turady.
Esterińizge sala keteıik, buǵan deıin jalpy Almaty oblysynda 54 úsh aýysymdy mektep bar ekenin habarlaǵan bolatynbyz.