Almaty oblysynyń bir aýdanynda muǵalimdi jumysqa zańsyz qabyldaýdyń 77 deregi tirkeldi

TALDYQORǴAN. QazAqparat - Muǵalimderdi jumysqa zań buzýshylyqpen qabyldaýda Almaty oblysynyń Qarasaı aýdany kósh bastap tur. Bul jóninde Oqý-aǵartý mınıstrligi Bilim salasynda sapany qamtamasyz etý komıtetiniń tóraǵasy Ernur Daýenov aıtty, dep habarlaıdy QazAqparat tilshisi.

«Pedagogtardy zań buzýshylyqpen qabyldaý faktileri eń kóp tirkelgen óńir - Almaty oblysynyń Qarasaı aýdany. Bul aýdanda 77 fakti tirkelgen. Ekinshi orynda - Qaraǵandy qalasy. Bul shaharda 62 jaǵdaı, al úshinshi orynda Túrkistan qalasy, 57 fakti tirkelgen», - dedi komıtet tóraǵasy Ernur Daýenov.

Al mundaı fakti Jambyl oblysynda eń az tirkelgen. Bul óńirde 2 jaǵdaı ǵana bolǵan.

Jetisý oblysynda muǵalimderdi zań buzýshylyqpen jumyspen qamtý boıynsha 42 fakti bolǵan. Onyń 25-si Taldyqorǵanda, 17-si Alakól aýdanynda.