Almaty oblysynyń aýrýhanasyna 5 adam dene jaraqatymen tústi, oqıǵa tergelip jatyr
13:05, 06 Qarasha 2022
ALMATY OBLYSY. QazAqparat – Almaty oblysy Eńbekshiqazaq aýdanynyń kópsalaly aýrýhanasyna túrli jaqattary bar 5 adam tústi. Onyń bireýi kóz jumdy, dep habarlaıdy QazAqparat polisia.kz silteme jasap.
«6 qarasha saǵat 00.55 shamasynda Almaty oblysynyń Eńbekshiqazaq aýdanynyń aýrýhanasyna túrli jaqattary bar 5 adam kelip túsken. Olardyń bireýi alǵan jaraqattary saldarynan kóz jumǵan. Atalǵan derek boıynsha jedel-tergeý toby quryldy. Qylmystyq is QR QK-niń 99-baby boıynsha tergelýde. Qazirgi ýaqytta oqıǵanyń barlyq qatysýshylaryn anyqtaý, sondaı-aq bolǵan oqıǵanyń sebepterin anyqtaý úshin barlyq qajetti tergeý áreketteri júrgizilýde», - delingen polıtsııa habarlamasynda.