Almaty oblysynyń ákimi: jaıylymdyq jerler halyqqa qaıtarylady

TALDYQORǴAN. QazAqparat – Almaty oblysynyń ákimi Qanat Bozymbaev óńirde qordalanǵan jaıylym máselesine qatysty jumys josparyn jetkizdi. Esterińizge sala keteıik, óńir halqy buǵan deıin mal baǵatyn jaıylym jerdiń joqtyǵyn jetkizgen bolatyn, dep habarlaıdy QazAqparat tilshisi.

«Almaty oblysynda jaıylymnyń joqtyǵyna qatysty biraz aýylda osyndaı jaılar bar. Apparat otyrysynda árbir ákimge tapsyrma berdim. ıAǵnı, ár aýyldyń tóńireginde jatqan jerlerdi túgendep, halyqtyń malyn sanap, tıisti jerin aýyl halqyna qaıta berýdi tapsyrdym», -dedi Qanat Bozymbaev.

Óńir basshysy ázirge bul máseleniń keminde bir-eki jyl kóleminde sheshiletinin jetkizdi.

«Sot arqyly sheshemiz be, basqasha sheshemiz be, qazir zań bizge quqyq berip jatyr. Sony qolǵa alyp, biz jasaımyz. Jeke menshik jer bolsa da ózimizge alyp, tıisti aýyl okrýgine beremiz. Bul úlken jumys. Bir emes, eki jyldyń ishinde atqarylatyn is. Oǵan ýáde beremin. Keıbir aýyldarda osy jumysty bastadyq», - dedi aımaq basshysy.