Almaty oblysyndaǵy taǵy bir lagerden zań buzýshylyqtar anyqtaldy

QONAEV. QazAqparat - Oblystyq prokýratýra men sanıtarııalyq-epıdemıologııalyq baqylaý departamenti qyzmetkerleri Jambyl aýdanyndaǵy «Tay-land» jazǵy saýyqtyrý lagerinde jospardan tys tekserý júrgizdi. Nátıjıesinde birqatar zań buzýshylyq anyqtaldy, dep habarlaıdy QazAqparat tilshisi.

Almaty oblysy ákimdiginiń málimetinshe, Jambyl aýdanynda ornalasqan «Taý-land» jazǵy saýyqtyrý lageri — jeke menshik. Qazir lagerde 400 bala demalyp jatyr.
«Prokýratýra men SES qyzmetkerleriniń jospardan tys tekserýi barysynda balalardy ornalastyrý jáne dezınfektsııalyq rejımniń buzylýy anyqtaldy. Demalys ornynyń ǵımarattary, ashana jáne basqa da qosalqy ǵımarattar kúrdeli jóndeýdi qajet etedi. Tekserý nátıjeleri boıynsha materıaldar sheshim qabyldaý úshin prokýratýraǵa jiberildi», - dep habarlady Almaty oblysy ákimdiginiń baspasóz qyzmetinen.
Buǵan deıin ata-analar Almaty oblysyndaǵy «Báıterek» balalar lagerindegi jaǵdaıdyń nasharlyǵyna shaǵymdanǵan bolatyn.
Prokýratýra ol jerde birqatar zańbuzýshylyqty anyqtady. Onyń ústine, osy lager dırektory jumys ornynda mas kúıinde bolǵan. Ol ákimshilik jaýapkershilikke tartyldy (QR ÁQBtK 440-baby).