Almaty oblysyndaǵy shekaralyq aımaqta 280 páterli úıdiń qurylysy bastaldy
Shekaralyq aımaqtaǵy Nurkent aýylyndaǵy eki 80 páterli turǵyn úı qurylysyn salýǵa 1 mlrd 384,5 mln. teńge qarjy bólingen.
Sondaı-aq Jarkent qalasyndaǵy eki 60 páterli turǵyn úı qurylysyn salýǵa, abattandyrýǵa jáne ınjenerlik-kommýnıkatsııalyq jelilerdiń qurylysyna 1 mlrd 143,6 mln. teńge bólindi.
Páterler keler jyly paıdalanýǵa berilse aýdandaǵy úı kezeginde turǵan otbasylardyń baspana máselesi kezegimen sheshilmek.
Bıyldyń ózinde naýryz jáne maýsym aılarynda Nurkent aýylynan 240 úıdiń kilti tapsyrylmaq.
«Bıylǵy jyly aýdanda qurylys salasyna aıtarlyqtaı qarjy bólindi. Jarkent qalasy men Nurkent aýyldarynda turǵyn úı qurylysyn abattandyrýǵa jáne ınjenerlik-kommýnıkatsııalyq jelilerdiń qurylysyna sondaı-aq, joba-smetalyq qujattama ázirleýge 250 mln somadan astam qarjy qarastyrylǵan. Bul óz kezeginde baspana máselesin sheshýde aıtarlyqtaı septigin tıgizedi»,- deıdi Panfılov aýdandyq qurylys salasynyń mamany Baýyrjan Qashqynbaev.
Al, jalpy aýdan boıynsha búgingi tańda 7 kategorııada 4088 otbasy baspana kezeginde tur.