Almaty oblysyndaǵy Shekara qyzmetiniń ǵımaratyn 500-ge jýyq adam basyp almaq bolǵan - UQK

ALMATY OBLYSY. QazAqparat - 2022 jylǵy 5 qańtarda shoqpar, dybystyq granata jáne armatýramen qarýlanǵan 500-ge jýyq adam UQK Shekara qyzmeti Almaty oblysy boıynsha departamentiniń ǵımaratyn basyp almaq boldy. Bul týraly QazAqparat QR UQK Shekara qyzmetine silteme jasap habarlaıdy.

Perımetr boıymen ornalasqan beıne kameralardy isten shyǵarǵan shabýylshylar ǵımarat ishindegi qarýǵa qol jetkizýdi kózdedi.

Departamenttiń nysandaryn qorǵaýǵa qalǵan shekarashylar jeke quramnyń kúshimen shabýylshylardy yǵystyra aldy.

Kúndizgi saǵat eki shamasynda shabýylshylar kórshi ornalasqan Almaty qalasy boıynsha QR Bas prokýratýrasynyń Quqyqtyq statıstıka jáne arnaıy esepke alý jónindegi komıteti basqarmasynyń ǵımaratyn basyp alyp, ony órtep jiberdi.

Órt sóndirý mashınalary jetkenshe shekarashylar órtti óz kúshterimen sóndirýge kirisip ketti jáne Prokýratýranyń 57 qyzmetkerin, QR Qorǵanys mınıstrliginiń 2 kýrsantyn Shekara qyzmeti departamentiniń aýmaǵyna evakýatsııalady.

Dál osylaısha, shekarashylar qylmyskerlerdiń 7 órt sóndirýshini tutqynǵa alý áreketine jol bermeı, olardy ShQ departamentiniń aýmaǵynda jasyrdy.