Almaty oblysyndaǵy petroglıf jazýlary zertteýdi qajet etedi - Dáýrenbaev
Eset Jeńisulynyń paıymynsha, b.z.d. X-XІІ ǵasyrlarǵa tıesili eskertkish mańynan ejelgi taıpalar ómir súrgen qalashyq bolýy múmkin. Qazirgi tańda Úıtastaǵy saıjaıda 2-3 gektar jer arnaıy memlekettik qorǵaýǵa alynǵan. Bul aımaqta qola dáýirine jatatyn tasqa qashap salynǵan bezendirýlerdi kórýge bolady. Álkeı Marǵulan atyndaǵy arheologııalyq ınstıtýttyń ǵalymdary arnaıy zerttegen qundy jazbalardy qola dáýirine jatqyzdy. Zertteý jumystary 2010-2011 jyldary júrgizip, anyqtalǵan. Tastaǵy sýretterde kóbine ań-qustardyń, janýarlardyń onyń ishinde, taýteke, jylqy, túıelerdiń jáne ańshy adam beınesin kórýge bolady.
«Ǵalymdardyń saraptamasyna sáıkes, Úıtas saıajaıyndaǵy kóne eskertkish mańynda ejelgi saq taıpalary meken etken. Olar Qaratal ózeniniń oń jaǵynda ómir súrgen. Túrli tastarǵa qashap jazylǵan eskertkish mańyna ǵylymı zertteý júrgizetin bolsaq, áli talaı tyń dúnıelerdiń tabylýy múmkin. Tipti ol jerde úlken qalashyqtyń da shyǵýy ǵajap emes. Búgingi tańda biz osy jumystardy qolǵa alsaq dep otyrmyz. Arnaıy qorǵaý aımaǵynyń shekarasyn ulǵaıtyp, bekitip, bolashaqta týrısterge tamasha ekskýrsııalyq sharalar ótkizý josparda bar. Osy Úıtastaǵy petroglıfterdi ashyq aspan astyndaǵy mýzeıge aınaldyrý qajet», deıdi Almaty oblystyq tarıhı-mádenı eskertkishterdi qorǵaý ortalyǵynyń dırektory Eset Dáýrenbaev.
Sondaı aq, Eset Jeńisuly Elbasynyń «Bolashaqqa baǵdar: rýhanı jańǵyrý» atty maqalasyna qoldaý bildirip, ondaǵy mindetterdi júzege asyrý baǵytynda arnaıy jospar bekitkenin jetkizdi. Aıasynda tarıhı mańyzy bar eskertkishterge qaıta jańǵyrtý jumystaryn júrgizý, qorǵaý taqtalaryn ornatý, týrısterge arnaıy saıahat uıymdastyryp, tarıhı-tanymdyq saǵattar ótkizýdi kózdep otyr. Jalpy búginde Almaty oblysynda 2345 tarıh jáne mádenıet eskertkishteri bar. Onyń ishinde 1250-i arheologııalyq eskertkish. Osy arhologııalyq eskertkishtiń 4-i ıÝNESKO-nyń Búkilálemdik mádenı mura tizimine engen. Atap aıtqanda, Jambyl aýdanyndaǵy Qarabastaý aýylyndaǵy «Tańbaly tas» tarıhı-mádenı jáne tabıǵı memlekettik qoryq-murajaıy, Talǵar aýdanyndaǵy ortaǵasyrlyq «Talhız», Balqash aýdanyndaǵy «Qara mergen» jáne Sarqan aýdanyndaǵy ortaǵasyrlyq «Qoılyq» qalashyqtary bar.