Almaty oblysyndaǵy órt saldarynan balyq sharýashylyǵyna zııan kelip, bir adam zardap shekti

NUR-SULTAN. QazAqparat – Almaty oblysyndaǵy órt saldarynan balyq sharýashylyǵyna zııan kelip, bir adam zardap shekti. Bul jaıynda QR Ekologııa, geologııa jáne tabıǵı resýrstar mınıstrliginiń baspasóz hatshysy Samal Ibraeva málim etti, dep habarlaıdy QazAqparat tilshisi.

«Kesheden beri Almaty oblysyndaǵy orman alqabynda oryn alǵan jaıtqa alańdap otyrmyz. Órt saldarynan Іle ózeni saǵasynyń basym bóligi janyp ketti. Qazirgi ýaqytta órttiń birinshi oshaǵy sóndirildi. Biraq, ókinishke oraı qazirgi ýaqytta órt Іle-Balqash memlekettik tabıǵı rezervatynda taralýda. Orman sharýashylyǵy jáne ınspetsııasynyń barlyq kúshi órtti sóndirýge jumyldyrylǵan», - dep jazdy ol Facebook-tegi paraqshasynda.

Onyń atap ótýinshe, órt balyq qabyldaıtyn pýnktti sharpyp, balyq sharýashylyǵyna shyǵyn keltirgen. Sonymen qatar atalǵan sharýashylyqtyń bir qyzmetkeriniń aýrýhanaǵa jetkizilgeni belgili.

«Ormanshylar áýeden barlaý jasap jatyr. Egjeı-tegjeıli aqparatty sál keıinirek alamyz. Jergilikti tótenshe jaǵdaı qyzmetimen únemi baılanysta otyrmyz», - dedi Samal Ibraeva.

Buǵan deıin QR EGTRM orman sharýashylyǵy jáne janýarlar dúnıesi komıteti Almaty oblysynyń Balqash aýdany aýmaǵynda orman alqaptary órtengenin habarlaǵan edi.