Almaty oblysyndaǵy medıtsınalyq jáne farmbaqylaý basshysy júıeli túrde para alǵan

QONAEV. QazAqparat – Medıtsınalyq jáne farmatsevtıkalyq qyzmetti baqylaý komıteti Almaty oblysy boıynsha departamentiniń basshysy júıeli túrde para alyp turǵan. Bul aqparatty Sybaılas jemqorlyqqa qarsy is-qımyl agenttiginiń Almaty oblysy boıynsha departamenti jarııalady, dep habarlaıdy QazAqparat tilshisi.

«Sybaılas jemqorlyqqa qarsy qyzmet oblys prokýratýrasymen birlese farmatsevtıkalyq baqylaý salasyndaǵy laýazymdy tulǵalardyń sybaılas jemqorlyq qyzmetin toqtatty. Densaýlyq saqtaý mınıstrligi Medıtsınalyq jáne farmatsevtıkalyq qyzmetti baqylaý komıteti Almaty oblysy boıynsha departamentiniń basshysy jáne osy departamenttiń bólim basshysynyń mindetin atqarýshy parany júıeli túrde alǵany anyqtaldy. Olardyń zańsyz talaby boıynsha shaǵyn bıznes ókilderinen farmatsevtıkalyq qyzmetti (dárihana bıznesin) júzege asyrýǵa bas lıtsenzııalar men olarǵa qosymshalar bergeni úshin jalpy somasy 850 000 teńgege para alynǵany anyqtaldy», - delingen atalǵan vedomstvonyń habarlamasynda.

Qazir júıeli sybaılas jemqorlyqtyń jolyn kesý jáne anyqtaý, sondaı-aq bıznesti qorǵaý jumystary jalǵasyp jatyr.