Almaty oblysyndaǵy kásiporyndar men áskerı bólimder «Ashyq» jobasymen jumys isteýde

TALDYQORǴAN. QazAqparat - Almaty oblysynda birqatar kommýnaldyq memlekettik uıymdar men áskerı bólimder qyzmetinde «Ashyq» jobasyn engizdi. Mekemeler sandyq jobanyń erikti qatysýshylary, dep habarlaıdy QazAqparat tilshisi.

Bul týraly Almaty oblystyq Kásipkerler palatasynyń dırektory Áset Shaıahmetov málimdedi.

Onyń sózinshe, QR alǵan memlekettik kásiporyndar arasynda Qarasaı aýdanyndaǵy «Úshqońyr» balalar men jasóspirimder sport mektebi» KMK, Eńbekshiqazaq aýdanyndaǵy «Qazaqstan Respýblıkasy Ulttyq ulanynyń 6654 áskerı bólimi» RMM, Іle aýdanyndaǵy «Ulttyq ulanynyń 3660 áskerı bólimi» RMM, «Іlııas Jansúgirov atyndaǵy Jetisý ýnıversıteti» KEAQ bar.

Oblystyq kásipkerler palatasynyń basshysy Áset Shaıahmetovtyń aıtýynsha, jobaǵa mádenıet jáne týrızm nysandary belsendi túrde qosylýda. Qosymsha boıynsha Bıken Rımova atyndaǵy Taldyqorǵan drama teatry, Súıinbaı atyndaǵy Almaty oblystyq fılarmonııasy, Ótenaı aýylynyń Mádenıet úıi, «Kólsaı kólderi» Memlekettik ulttyq tabıǵı parki» RMM jáne basqalary jumys isteıdi.

Joba iske qosylǵan sátten bastap óńirde 482 bıznes nysany óz qyzmetine «Ashyq» qosymshasyn engizdi.

«Búginde «Ashyq» jobasyna qosylǵan 482 nysannyń 411-i qatysýshy bolyp tabylady, 71 nysan synaq rejıminde qyzmet atqarýda. Jobaǵa qatysýshylardyń tizimi kún saıyn oblys ákimdiginiń saıtynda jańartylady. Aıta ketý kerek, jobanyń erikti qatysýshylarynyń sany artyp keledi. Olardyń qatarynda memlekettik organdar, ákimdikter, balalar sport mektepteri, kolledjder men demalys aımaqtary bar», - dedi Almaty oblystyq ÓKP dırektory Áset Shaıahmetov.

Memlekettik organdar arasynda Almaty oblysynyń sanıtarlyq-epıdemıologııalyq baqylaý departamenti men Almaty oblysy boıynsha qylmystyq-atqarý júıesi departamenti «Ashyq» jobasynyń qatysýshylary.

Almaty oblysy boıynsha sanıtarlyq-epıdemıologııalyq baqylaý departamentiniń aqparaty boıynsha, qosymsha Taldyqorǵan qalasynda engizilgen sátten bastap «sary» mártebesi bar 49 adam jáne «qyzyl» mártebesi bar 34 adam anyqtaldy, Panfılov aýdanynda bir «qyzyl» jáne bir «sary» mártebesi bar adam, Eskeldi aýdanynda «sary» mártebesi bar eki adam, Qarasaı aýdanynda bir «qyzyl» jáne bir «sary» mártebesi bar adam anyqtaldy.

Esterińizge sala keteıik, Almaty oblysynda «Ashyq» jobasy osy jyldyń sáýir aıynda engizile bastady. Joba COVID-19 taralý qaýpin azaıtýǵa jáne kelýshiler men jumysshylardy qorǵaýǵa múmkindik beredi.Sonymen qatar bızneske shekteý sharalaryna qaramastan, tipti lokdaýn jaǵdaıynda da jumys isteýge múmkindik beredi. QR kody men PTR-diń jalpy bazasymen ıntegratsııalanýdyń arqasynda qosymsha kelýshiniń mártebesin anyqtaı alady.

Aıta keteıik, «Ashyq» qosymshasyn App Store jáne Play Market-ten júkteýge bolady. Sonymen qatar, qosymshanyń fýnktsııalary Aitu platformasynda jáne ashyq.kz saıtynda da qoljetimdi.