Almaty oblysyndaǵy áıelder kolonııasynan qashqan jazasyn óteýshi ustaldy

QONAEV. QazAqparat – Almaty oblysy Jaýǵashty aýylyndaǵy túrmeden qashyp ketken jazasyn óteýshi ustaldy, dep habarlaıdy QazAqparat tilshisi.

«Almaty oblysynda №10 mekemede jazasyn ótep júrgen G. esimdi áıel 12 mamyrda qashyp shyqqan. Jedel izdestirý is-sharalary barysynda sottalýshy mekeme aýmaǵynan ustaldy. Bul oqıǵa aqparatty esepke alý kitabyna tirkelip, Almaty oblysy Іle aýdanynyń polıtsııa bóliminiń jedel tergeý toby shaqyrtyldy», - dep habarlaıdy oblystyq qylmystyq atqarý júıesi departamentiniń baspasóz qyzmeti.

Bolǵan oqıǵanyń tolyq mán-jaıyn anyqtaý úshin qylmystyq atqarý júıesi departamenti qyzmettik tergeý júrgizip jatyr.

«Kináli laýazymdy tulǵalar qoldanystaǵy zańnamaǵa saı jaýapkershilikke tartylady.

QR Qylmystyq-protsessýaldyq kodeksiniń 201-babyna sáıkes ózge aqparat jarııa etýge jatpaıdy», - delingen vedomstvo málimetinde.