Almaty oblysyndaǵy aýyl mektebinde 32 muǵalim 50 balany oqytyp kelgen
Uıǵyr aýdany aýyldarynyń birinde 32 pedagog 50 balany oqytyp kelgen. Bul týraly Almaty oblysynyń ákimi Marat Sultanǵazıevtiń jumys sapary barysynda belgili boldy.
«Birlik Súmbe mektebinde 125 bala oqıdy. Jańasaı negizgi mektebinde 50 oqýshyny 32 adamnan turatyn ujym oqytady. Eki mektep te jóndeýdi qajet etedi, ekinshisi 1956 jyly salynǵan. Sonymen qatar mektep ylǵal»,- dep atap ótti Saltanat Bespaeva.
Oblys ákimi Marat Sultanǵazıev balalardy eki mekemeden Súmbe mektebine aýystyrýdy jáne olardy tasymaldap oqýyn qamtamasyz etýdi tapsyrdy. Bosaǵan úı-jaılardy qosymsha bilim berý mektebi retinde paıdalaný usynyldy. Budan bólek, oblys basshysy jabylyp jatqan mektep pedagogtaryn jumyssyz qaldyrmaı, aýdannyń basqa bilim berý mekemelerine ornalastyrýdy tapsyrdy.
Budan bólek, Súmbe aýylyndaǵy 750 oqýshyǵa eseptelgen ózge mektepte 348 bala oqıdy. Bilim ǵımaraty 1976 jyly salynǵan, zamanaýı jóndeýden ótken. Mektepte balalardy oqytý jáne jan-jaqty damytý úshin barlyq jaǵdaı jasalǵan. Munda stomatologııa kabıneti bar, sonymen qatar negizgi sport zalynan basqa kóptegen trenajerleri bar fıtnes-ortalyq, boks zaly jabdyqtalǵan.