Almaty oblysynda jyl basynan ishimdik iship kólik basqarǵandar sany kúrt tómendedi - ІІB
«2017 jyldyń qańtar aıynda avtokólik quralyn ishimdik iship, ne bolmasa esirtkige elikken kúıde basqarǵan 129 júrgizýshi ustaldy. Bul kórsetkish byltyrǵy jylmen salystyrǵanda eki esege jýyq tómen. Salystyrmaly túrde aıta ketsek, byltyr osy kezeńde «ishimdik iship kólik júrgizgender» sany 240 adam bolatyn», - dedi Almaty oblysy ІІB ókili Kóbeıhan Nurahmet.
Onyń aıtýynsha, ishimdikke sylqııa toıǵan júrgizýshilerdi ustaýdyń bes faktisi boıynsha is sot organdarynda qaralyp, quqyq buzǵan ondaı tulǵalar birden ákimshilik qamaýǵa da alynǵan.
Eske salsaq, Ákimshilik quqyq buzýshylyq týraly kodekstiń 608 babyna sáıkes, ishimdik iship kólik júrgizgen tulǵalar 3 jylǵa deıin avtokólik júrgizý quqyǵynan aıyrylady. Al mas kúıinde saldary aýyr áreketter jasaǵan júrgizýshini ondaı quqyqtan aıyrý merzimi de joǵarylaı beredi.