Almaty oblysynda jóndeýi bitpegen 11 mektep oqýshylardy qabyldaýǵa daıyn emes
Óńirdi jumys saparymen aralap júrgen Májilis depýtaty, «AMANAT» partııasy fraktsııasynyń múshesi Janarbek Áshimjan Talǵar aýdanynyń Belbulaq aýylynda kúrdeli jóndeý júrip jatqan mektepke bardy.
Bilim mekemesinde 600-ge tarta bala oqyp kelgen. Qurylysy jospar boıynsha kelesi jyldyń naýryz aıynda bitýge tıis. Biraq merdigerler osy jyldyń sońyna deıin aıaqtap beremiz dep otyr. Oǵan deıin balalar osy eldimekendegi eski mektepte oqıdy.
– Bul mektep 60 jyl buryn salynǵan. Sol jyldan beri qaraı eshqandaı kúrdeli jóndeýjumystary júrmegen. Kúrdeli jóndeý ýaqytynda 640 oqýshy №32 mekteptiń eski ǵımaratynda oqıtyn bolady», – dedi Talǵar aýdany ákiminiń orynbasary Aıbek Bıdaev.
Qala irgesindegi bilim ordalarynda oryn tapshylyǵy – basty másele. Tipti, úsh aýysymda bilim beretinderi bar. Bul másele «AMANAT» partııasynyń nazarynda. Jol kartasynda kózdelgen josparlardy oryndaý maqsatymenMájilis depýtaty bilim berý nysandaryn aralap, oqý jylyna daıyndyqtaryn tekserdi.
– Byltyrdan beri óńirlerdi aralap kelemin. Úsh aýysymdy mektepterdiń problemasy ár oblysta bar. Óńirdegi qala irgesindegi mektepterdiń máselesi kún tártibinde tur. Ásirese Talǵar, Eńbekshiqazaq, Іle aýdanynda munyjedeldetip sheshý kerek. Óıtkeni saıajaıdaǵy azamattar balalaryn kórshiles eldi mekendegi mektepterge tasyp álek, – dedi Janarbek Áshimjanov.
Májilismenniń aıtýynsha, oblys boıynsha aýdannyń bilim bólimderi oqýǵa 100 paıyz daıyn ekendikterin jetkizdi. Biraq keı jerler 2-3 aıǵa deıin keshigetinin aıtty. Bul máseleni jergilikti atqarýshy bılik qolǵa almaq.
Aıta keteıik, Talǵar aýdanynda úsh aýsymdy mektep máselesi ózektiligin joıǵan joq. Jańa oqý jylynda 43 mekteptiń beseýi úsh aýsymda oqytýdy jalǵastyrady.
Jalpy, oblysta úsh aýysymdy oqytatyn 51 mektep bar. Partııanyń Saılaýaldy baǵdarlamasy aıasynda osy máseleni joıý úshin bes jylda 53 jańa mekteptiń qurylysyjosparlanǵan. Al 39 bilim berý nysanynda sapaly kúrdeli jóndeý jumystary júrgiziledi.