Almaty oblysynda jol ústinde kókpar tartqandardy polıtsııa izdep jatyr
15:27, 25 Shilde 2022
QONAEV. QazAqparat - Almaty oblysynda jol ústinde kókpar tartqandardy polıtsııa izdep jatyr, dep habarlaıdy QazAqparat tilshisi.
«24 shilde kúni keshki saǵat 19:00 men 20:00 aralyǵynda Keńdala aýylyna jaqyn qystaqta kókpar oıyny bolǵan. Qazir polıtsııa oıynǵa qatysqandardy izdestirip jatyr.
Aıta ketý kerek, kókparǵa Eńbekshiqazaq aýdanynyń Qaınar, Rahat, Qazaqstan aýyldarynyń, al Talǵar aýdanynyń Týǵanbaı aýyly turǵyndary qatysqan»,- delingen Almaty oblystyq polıtsııa departamenti baspasóz qyzmetiniń habarlamasynda.
Aıta keteıik, kókparǵa qatysýshylar kóshedegi kólikterdiń jol qozǵalysyna kedergi keltirip, joldyń boıynda kókpar tartqan. Olar bul zańsyz áreketteri úshin jaýapkershilikke tartylatyn bolady.