Almaty oblysynda joǵalǵan 13 jastaǵy qyz tabyldy
Eskeldi aýdandyq Polıtsııasynyń kezekshi bólimine Baqtybaı aýylynyń 38 jastaǵy turǵynynan kámeletke tolmaǵan qyzyn izdeýge kómektesý týraly habarlama kelip tústi. Onyń aıtýynsha, qyzy úıden belgisiz baǵytta ketip, oralmaǵan. Bul fakti dereý jergilikti polıtsııada tirkeldi.
«Jedel-izdestirý jumystary barysynda polıtsııa qyzmetkerleri qyz balanyń oblys ortalyǵynda turǵan jerin anyqtap, Eskeldi aýdanynyń polıtsııasyna jetkizdi. Psıholog pen zańdy ókilderdiń qatysýymen jaýap alý barysynda kámeletke tolmaǵan oqýshy qaıda bolǵanyn aıtty. Sózinshe, ol Taldyqorǵan qalasynda ózine beıtanys adamdarǵa baryp, olarmen birge qalǵan. Qurbylarymen qalǵany týraly eshkimdi eskertpegen. Qazirgi ýaqytta kámeletke tolmaǵan jáne onyń ata - analarymen ıývenaldy polıtsııa qyzmetkerleri mektep muǵalimderi men psıhologtardyń qatysýymen aldyn-alý jumystary júrgizilýde», - dedi Eskeldi aýdany Polıtsııa bóliminiń bastyǵy, polıtsııa podpolkovnıgi Qaırat Baımuhanov.
Almaty oblysy PD baspasóz qyzmetiniń málimetinshe, oqýshyny birinshi kúni ata-anasy men týystary óz betinshe tabýǵa tyrysqan. Biraq nátıje bolmaǵannan soń polıtsııanyń kómegine júgingen.
«Tártip saqshylary ózderiniń kásipqoılyǵynyń arqasynda bir táýlik ishinde ony taýyp, ata-analaryna qaıtaryp berdi. Qyzdyń anasy tártip saqshylaryna tek jumysynda ǵana emes, jeke ómirlerine de sáttilik tiledi»,- dep tolyqtyrdy atalǵan vedomstvonyń baspasóz qyzmetinen.