Almaty oblysynda «Jetisý» radıosy iske qosyldy
Almaty oblystyq «Jetisý» telearnasynyń janynan qurylǵan jańa radıo ujym, táýlik boıy elden jáne óńirden aqparat jetkizip, oblys turǵyndarynyń ásem-áýen, áýezdi kúımen sýsyndap, rýhanı qýattanýyna ózindik úles qospaq.
1997 jylǵa deıin oblysta radıo bolǵan. Araǵa shırek ǵasyr salyp, baǵyty men baǵdaryn jańartyp, bilikti jas mamandarmen tolyqtyrylǵan radıo aldymen oblys ortalyǵy men shalǵaı eldimekenderge taratylady.
Jeke dara jıilik alǵanǵa deıin bir jyldaı ýaqyt daıyndyq jumystary júrgizilip, qajetti mýzyka qory jınaqtaldy.
Jańa radıonyń materıaldyq-tehnıkalyq bazasy nyǵaıtylyp, óz aldyna jeke ǵımarat berý máselesi qarastyrylyp jatyr.
Al bolashaqta elimizdiń ózge de aımaqtarynyń tolqyndaryna shyǵý josparlanǵan.
«Qyrǵyzstan jaqqa, Qordaı jaqqa barsań qyrǵyzdyń radıosy, Qytaı shekarasyna shyqsań Qytaıdyń radıosy sóılep turady. Sondyqtan biz Jarkent aımaǵyn, Alakól, Raıymbek aýdanyn, birinshi kezekte sol jaqty qamtýǵa tyrysyp jatyrmyz. Ázirge Shaǵan taýynyń basynda bir radıotaratqysh qurylǵymyz qoıyldy. Ol osy Taldyqorǵan aımaǵyn qamtyp tur»,- deıdi «Jetisý» radıosynyń jetekshisi Esbolat Aıdabosyn.