Almaty oblysynda jerlester forýmy ótedi
Bul týraly búgin Almaty oblysynyń ákimi Amandyq Batalov Ortalyq kommýnıkatsııalar qyzmetinde ótken baspasóz máslıhatynda málim etti.
Amandyq Batalov Memleket basshysynyń "Bolashaqqa baǵdar: rýhanı jańǵyrý" baǵdarlamalyq maqalasyn júzege asyrý boıynsha birqatar jumystardyń atqarylǵanyn atap ótti.
"Oblys metsenattary men kásipkerleri Elbasynyń "Týǵan jer" baǵdarlamasyn iske asyrýǵa qulshyna kirisip ketti. Búginde oblys boıynsha 37 mlrd teńgege 308 áleýmettik joba júzege asyrylýda", - dep atap ótti ákim.
Atap aıtqanda, Eńbekshiqazaq aýdanynyń Aşybulaq aýylynda Sabyrovtar otbasy qaraýsyz qalǵan saıabaqty qalpyna keltirgen.
Kerbulaq aýdanynyń týmasy, jeke kásipker Hasan Ábýev týǵan aýylyna bastaýysh mektep salyp jatyr.
Qarasaı aýdanynyń Qyrǵaýyldy aýylynda "Batyr babalar" memorıaldy mýzeıi ashyldy. Oǵan óńir metsenattary 465 mln teńge kóleminde qarajat bólgen.
Shamalǵan aýylynda jaǵdaıy tómen 17 otbasyna kóptegen kútken baspana kilti tabys etildi.
Sondaı-aq, óńir basshysy qarasha aıynda Jetisýdan túlep ushqan barsha azamattyń basyn qosatyn jerlester forýmy ótetinin habarlady.
"Qarasha aıynda Almaty oblysynan túlep ushqan barlyq ınvestorlardyń basyn qosyp, "Meniń Jetisýym" atty jerlester forýmyn ótkizgeli otyrmyz. Osy sharadan keıin óńirdegi áleýmettik jobalar sanynyń eselep ósetinine senimdimin", - dep óz sózin túıindedi A.Batalov.