Almaty oblysynda jer kezeginde turǵandar daıyn úı alady - Ǵalymjan Shalǵymbaev

ALMATY. QazAqparat - Almaty oblysynda jyl sońyna deıin 48 páterli taýn-haýs turǵyzý josparlanyp otyr, onyń jalpy aýmaǵy - 5918,4 sharshy metr, úıler «Nurly jer» baǵdarlamasyn júzege asyrý barysyndaǵy pılottyq joba bolmaq. Bul týraly Aımaqtyq kommýnıkatsııalar qyzmetinde «Qazaqstan turǵyn úı jınaq bankiniń» Almaty oblysy boıynsha dırektory Ǵalymjan Shalǵymbaev aıtty.

Aıta keteıik, qazirgi ýaqytta Qazaqstan boıynsha ınfraqurylymdy damytý «Nurly jer» baǵdarlamasy boıynsha turǵyn úıler salynyp jatyr. Baǵdarlamanyń maqsaty turǵyn úı qurylysynyń turaqty damýyn qamtamasyz etý.

Ǵalymjan Shalǵymbaevtyń aıtýynsha, endi jerge kezekte turǵandar jer ǵana emes, daıyn úı alatyn bolady.

«Bul úılerge úmitkerlerdiń eki sharty bolýy kerek. Birinshisi olar jerdiń kezeginde turýy kerek, ekinshi «Turǵyn úı qurylys jınaq bankinde» salymy bolýy kerek».

Turǵyzylatyn úılerdiń aýmaǵy 80 jáne 123 sharshy metr, quny 1 sharshy metr úshin 120 000 teńge bolady. Baǵdarlama boıynsha, ár adam úıdiń jalpy qunynyń 30 paıyzyn jınaýy kerek, sosyn bankten 5 paıyzdyq nesıe alady. Oǵan Jer komıtetinde jer kezeginde turǵandar ǵana úmitker bola alady», - dedi ol.