Almaty oblysynda jemqorlar jaıly aqparat bergenderge 1 mln teńgege jýyq syıaqy tólendi

TALDYQORǴAN. QazAqparat - Bıyl Almaty oblysynyń 5 turǵyny sybaılas jemqorlyq derekteri boıynsha agenttiktiń koll ortalyǵyna habarlasyp, syıaqy aldy. Bes adamǵa tólengen qarajat quny - 962 610 teńge, dep habarlaıdy QazAqparat tilshisi.

Eger adam sybaılas jemqorlyq qylmys týraly habarlaǵan bolsa, onda ol aıyptaý úkimi shyǵarylǵannan keıin para somasynyń 10%-yn ala alady.

Sybaılas jemqorlyqqa qarsy qyzmetiniń 1424 Call-ortalyǵy sybaılas jemqorlyq faktileri týraly, onyń ishinde jasalǵan nemese daıyndalyp jatqan quqyq buzýshylyqtar týraly, sondaı-aq kásipkerlik qyzmetke kedergi keltirý jaǵdaılary týraly telefon habarlamalaryna táýlik boıy jaýap beredi.

Buǵan qosa, Call-ortalyǵynyń operatorlary agenttiktiń qyzmeti týraly suraqtarǵa jaýap beredi.

Sybaılas jemqorlyqqa qarsy qyzmet pen onyń qyzmetkerleriniń jumysyna shaǵymdar, usynystar men pikirlerdi qabyldaıdy, jumysqa túsý tártibin túsindiredi.

Koll-ortalyǵyna túsken árbir qońyraý boıynsha zańnama sheńberinde dereý áreket júrgizilip otyrady.

Búginde Almaty oblysynda «Jetisý - adaldyq alańy» jobalyq keńsesi sybaılas jemqorlyqty joıý boıynsha biryńǵaı maqsatty júzege asyrýda memlekettik qyzmetkerler men azamattardy biriktiretin jalpyulttyq ıdeıaǵa aınalýda.

Bul baǵytta jobalyq keńse QR Sybaılas jemqorlyqqa qarsy is-qımyl agenttiginiń Almaty oblysy boıynsha departamentimen birlesip aqparattyq-nasıhattaý jumystaryn júrgizýde.

Máselen, Sybaılas jemqorlyqqa qarsy qyzmetiniń 1424 Call-ortalyǵyn nasıhattaý maqsatynda Almaty oblysynyń jastar belsendileri oblys aýmaǵynda memlekettik organdardyń ókilderimen birlesip, «Parasatty bol, sybaılas jemqorlyq faktileri týraly 1424-ke habarla!» atty biryńǵaı oblystyq aktsııa uıymdastyrdy. Aktsııa aıasynda belsendiler sybaılas jemqorlyqqa qarsy japsyrmalardy qoǵamdyq oryndarda, qoǵamdyq kólikterde, patrýldik avtokólikterde, sondaı-aq memlekettik mekemelerdiń aqparattyq taqtashalarynda ornalastyrdy.

«Jyl basynan beri «Parasat ortalyǵy» oblystyń barlyq 20 aýdanynda ashyldy. Ortalyqtyń basty maqsaty - halyqtyń ózekti máselelerin sheshý boıynsha shuǵyl áreket etý jáne azamattardyń quqyǵyn júzege asyrýda memlekettik organdardyń ózara birlese árekettesýin qamtamasyz etý. Aqpan aıynan beri oblys kóleminde 200-ge jýyq is-shara ótkizildi. Sharalar QR Sybaılas jemqorlyqqa qarsy is-qımyl agenttiginiń Almaty oblystyq departamentiniń birinshi orynbasary Jandos Jumabaevtyń jeke baqylaýynda júzege asyrylýda»,- dedi.

Almaty oblysy «Jetisý - adaldyq alańy» jobalyq keńsesiniń jetekshisi Amanjol Jazyqbaev.