Almaty oblysynda jeke balabaqshada sábıdi tistelep tastaǵan

QONAEV. QazAqparat – «Jánııa» jekemenshik balabaqshasynda beınebaqylaý kamerasynyń materıaldaryn zerdeleý kezinde kámeletke tolmaǵan sábıdi qatty tistep alǵan fakti rastaldy, dep habarlaıdy QazAqparat tilshisi.

Almaty oblysynyń Polıtsııa basqarmasy jekemenshik balabaqshada bolǵan oqıǵaǵa qatysty túsinikteme berdi.

«Osy jyldyń 16 tamyzynda Qarasaı aýdandyq polıtsııa basqarmasynda Abaı aýylyndaǵy balabaqshalardyń birinde kámeletke tolmaǵan balanyń dene jaraqatyn alǵany týraly habarlama kelip tústi. Atalǵan derek QR QK 141-baby boıynsha aýdandyq polıtsııada dereý tirkelip, ıývenaldy polıtsııa qyzmetkerleri tıisti tekserýdi júzege asyrdy. Sonymen qatar tárbıeshige qatysty QR ÁQBtK 127-1-babynyń 1-bóligi boıynsha ákimshilik is qozǵaldy», - dep habarlady vedomstvodan.

Sondaı-aq atalǵan balabaqsha dırektoryna qatysty QR ÁQBtK 409-baby 3-bóligi boıynsha oblystyń bilim basqarmasyna usynys daıyndaldy. Polıtsııa ókilderi ózge aqparat joǵaryda atalǵan jumystardyń nátıjesi boıynsha qosymsha usynylatynyn atap ótti.