Almaty oblysynda jappaı ereýil kezinde 337 adam jaraqat alǵan

TALDYQORǴAN. QazAqparat - Almaty oblysynda jappaı tártipsizdik kezinde 337 adam medıtsınalyq kómekke júgindi. Onyń ishinde 13 adam - áskerı qyzmetker, dep habarlaıdy QazAqparat tilshisi.

Qazirgi tańda túrli dene jaraqatyn alǵan 109 adam aýrýhanada em qabyldap jatyr.

Almaty oblysy densaýlyq saqtaý basqarmasynyń basshysy Ómirzaq Nııazbekov dárigerlerge mıtıngke qatysqandar tarapynan shabýyl jasalmaǵanyn aıtty.

«Kóshedegi tártipsizdikke qaramastan dárigerler men jedel járdem qyzmetkerleri shtatty rejımde jumys istedi. Dárigerlerge mıtıngke shyqqandar shabýyl jasaǵan joq. Jappaı tártipsizdik kezinde oblystyq jedel járdem stantsııasynyń bir qyzmetkeri zardap shekti. Jedel járdem kóligine atqan oqtyń saldarynan synǵan áınek júrgizýshini jaraqattaǵan. Qazirgi tańda kólik júrgizýshisiniń jaǵdaıy turaqty. Ambýlatorııalyq em qabyldap jatyr», - dedi basqarma basshysy.

Mıtıngke qatysqandar 5 jedel járdem kóligine zaqym keltirgen.

Oblysta tártipsizdik oryn alǵan kezde jalpy sany 206 jedel járdem kóligi medıtsınalyq qyzmet kórsetti.