Almaty oblysynda jańa mashına jasaý zaýyty ashylady

TALDYQORǴAN. QazAqparat - Almaty oblysynyń Qarasaı aýdanynda mashına jasaý zaýyty ashylyp, 200-ge jýyq adam jumyspen qamtylady, dep habarlaıdy Qazaqparat tilshisi.

Indýstrııalandyrý kúnine oraı ashylatyn kásiporynnyń quny 6,7 mlrd teńge. Zaýyt qurylysyna 200 adam tartyldy. Kásiporyn túrli metall qurastyrmalardy óndiretin bolady.

Mashına jasaý zaýyty aıyna 1 500 tonna ónim shyǵarady. Óndirilgen ónimniń 15 paıyzy eksporttalyp, qalǵan 85 paıyzy ishki naryqty qamtıdy dep josparlanýda.

Zaýytta jumysshylardyń kásibı biliktiligin arttyryp, oqytý maqsatynda oqý ortalyǵy ashylmaq. Oqytý protsesi halyqaralyq standarttarǵa saı júrgiziledi. Oqý ortalyǵyn ashýǵa dánekerleý qurylǵylaryn óndiretin shvedtik ESAB kompanııasy seriktes retinde qatysyp otyr.

Kásiporynnyń ónimi aýylsharýashylyǵy salasynda joǵary suranysta bolady dep kútilýde. Sebebi zaýyt agroónerkásip keshenine qajet jyldam qurastyrylatyn qora, qoıma, taýyq fermalary, kókónis saqtaıtyn keshender men jylyjaı keshenderin shyǵarady.

Zaýyttyń qural-jabdyqtary Germanııa, Italııa, Polsha men Shvetsııa elderinen ákelingen.