Almaty oblysynda jańa balabaqsha boı kóterdi

TALDYQORǴAN.QazAqparat - Almaty oblysyndaǵy Alakól aýdanynyń Úsharal qalasynda 125 oryndyq balabaqsha ashyldy. Ǵımarat memlekettik-jekemenshik seriktestiktiń negizinde boı kóterdi, dep habarlaıdy QazAqparat tilshisi.

Jańa mekemede búldirshinder úshtildi oqytý baǵdarlamasymen de bilim alatyn bolady. Búginde aýdanda balalardy mektepke deıingi mekememen qamtý kórsetkishi 97 paıyzǵa jetti. Al balabaqsha kezeginde 200-den asa bala tur. Jaýapty mamandar bul kórsetkishti aldaǵy 2 jylda 100 paıyzǵa jetkizýdi josparlap otyr.

Sondaı-aq, Qaratal aýdanynda jańa úlgidegi tórt ýchaskelik polıtsııa pýnkti ashyldy. Eskeldi, Qarasheńgel, Kálpe, Almaly aýyldaryndaǵy qyzmet oryndarynyń basty ereksheligi tártip saqshysynyń úıi de, keńsesi de bir ǵımaratta ornalasqan. Aıta ketý kerek, jergilikti jerlerdegi mundaı polıtsııa ýchaskeleri ázirge Almaty oblysynda ǵana júzege asyrylýda. Oǵan óńir qazynasynan 1 mlrd teńgeden asa qarajat bólingen.