Almaty oblysynda jalǵan polıtseıge 1,5 mln teńge aıyppul salyndy
Áleýmettik jelilerge monıtorıng júrgizý barysynda Instagram-nan avtoshınalar satatyn dúkenderdiń biriniń jarnamalyq beınerolıgi anyqtaldy. Tekserý barysynda beınejazbadaǵy jigit polıtsııaǵa esh qatysy bolmasa da, onyń arnaıy kıimin kıip, ózin polıtsııa kapıtany retinde tanystyrǵany belgili boldy.
«Polıtseılerdiń arnaıy nysandy kıimin oǵan eshqandaı qatysy joq azamattardyń paıdalanýy orynsyz jáne rolıktiń qatysýshylary men uıymdastyrýshylarynyń áreketteri qazaqstandyq polıtsııanyń ımıdjine nuqsan keltirip, onyń bedelin túsirdi dep sanaımyn. Atalǵan fakti boıynsha ákimshilik materıal jınaqtaldy jáne ınternet jarnamaǵa túsken 29 jastaǵy akter ákimshilik jaýapkershilikke tartyldy. Onyń áreketinde QR ÁQBK 675-babynda sáıkes quqyq buzýshylyq belgileri, ıaǵnı nysandy kıim men arnaıy kıim-keshekti zańsyz kııý deregi anyqtaldy. Sonymen qatar, quqyq buzýshynyń áreketi QR ÁQBK 73-3 babynyń 2-tarmaǵyna sáıkes «jala jabý» deregi úshin 650 aılyq eseptik kórsetkish kóleminde ákimshilik aıyppul nemese 25 táýlikke qamaýǵa alý qarastyrylǵan», - dedi Almaty oblystyq PD Tergeý basqarmasy bastyǵynyń orynbasary polıtsııa polkovnıgi Rýslan Charapıev.
Sonymen birge, Taldyqorǵan qalasynyń 27 jastaǵy turǵynynyń uıymdastyrýshy ekeni anyqtaldy. Ol boıynsha ákimshilik materıal qalalyq ákimdiktiń Kásipkerlik bólimine joldandy. Endi olarǵa zańnamaǵa sáıkes tıisti shara qoldanylady. Qazirgi ýaqytta joǵaryda atalǵan mazmundaǵy jarnama áleýmettik jelilerden alynyp tastaldy jáne jalǵan polıtseıdiń arnaıy aıyrym belgileri men sımvolıkasy bar kıimi tárkilendi.