Almaty oblysynda jaqsy jáne qanaǵattanarlyq joldardyń úlesi 99%-ǵa jetti

ALMATY. QazAqparat - Almaty oblysynda jol salasyndaǵy 2020 jylǵy qurylys maýsymynyń nátıjeleri anyqtaldy, dep habarlaıdy QazAqparat.

Qazaqstan Respýblıkasy Indýstrııa jáne ınfraqurylymdyq damý mınıstrligi Avtomobıl joldary komıteti tóraǵasynyń orynbasary Tólegen Abdýllın mınıstrliktiń aýmaqtyq jáne vedomstvolyq baǵynysty bólimsheleriniń qyzmetkerlerimen jumys kezdesýin ótkizdi.

2020 jyly atalǵan óńirde qyrýar jumys atqaryldy. Atap aıtar bolsaq, «Úsharal – Dostyq», «Burylbaıtal – Qurty», «Uzynaǵash – Otar», «Taldyqorǵan – Óskemen» respýblıkalyq mańyzy bar avtomobıl joldary rekonstrýktsııadan ótti. Sondaı-aq, Shamalǵan stantsııasyndaǵy jer ústi ótkeliniń qurylysy júrgizildi. Budan bólek, jol kompanııalary «Kókpek – Kegen – Jalańash – Sátti – Qurmetti – Kólsaı kóli», «Kókpek – Kegen – Qyrǵyzstan shek. (Túp), Almaty – Bishkek («Altyn Orda» naryǵy), «Almaty – Bishkek» («Asyl Arman» TK) jáne «Almaty – Kóktal – Baıserke – Mejdýrechensk» jolyndaǵy Úlken Almaty ózeni arqyly ótetin kópirge kúrdeli jóndeý júrgizildi.

Sonymen qatar, «Almaty – Shelek – Qorǵas», «Almaty – Kókpek – Shonjy – Kóktal – Qorǵas», «Kókpek – Kegen – QR shek. (Túp)», «Almaty – Óskemen (Taldyqorǵan qalasynyń aınalma joly)», «Ózbekstan shek. (Tashkent) – Shymkent – Taraz – Almaty – Qorǵas» joldarynyń ýchaskeleri jańartyldy.

Búgingi tańda óńirde jaqsy jáne qanaǵattanarlyq jaǵdaıdaǵy respýblıkalyq avtojoldar jelisiniń úlesi 99%-ǵa jetti. Almaty oblysyndaǵy respýblıkalyq mańyzy bar tasjoljardyń jalpy uzyndyǵy búginde 2806 shaqyrymdy quraıdy.