Almaty oblysynda úzdik mádenıet úıine avtokólik syıǵa tartylady

TALDYQORǴAN. QazAqparat - Elbasynyń «Rýhanı jańǵyrý: bolashaqqa baǵdar» maqalasyndaǵy «Týǵan jer» baǵdarlamasyn júzege asyrý maqsatynda Almaty oblysynda «Aýylym-altyn besigim» baıqaýy bastaldy, dep habarlaıdy Qazaqparat tilshisi.

Bul jóninde oblystyq Halyq shyǵarmashylyǵy ortalyǵynyń dırektory Ermek Dolańǵaranov baspasóz brıfınginde málim etti.


 
 Baıqaý oblys aýmaǵyndaǵy aýyldyq mádenıet úıleri arasynda ótedi. Mundaǵy basty maqsat shalǵaı jatqan mádenı oshaqtardyń tamyryna qan júgirtip, nysandardyń materıaldyq-tehnıkalyq bazasyn nyǵaıtý. Aýyldyq klýbtarda eńbek etetin mádenıet qyzmetkerleriniń qabilet-qarymyn shyńdap, jańa esimderdi anyqtaý. Baıqaý 12 maýsym  19 shilde aralyǵynda jalǵasady. Oǵan Almaty oblysynyń 16 aýdany men 3 qalasynan 2-3 ten mádenıet úıleri qatysa alady. Úzdik dep tanylǵan mádenıet úıine avtokólik syıǵa tartylyp, 20 mádenıet úıiniń materıaldyq-tehnıkalyq bazasy jańartylady.