Almaty oblysynda úıi órtenip ketken kópbalaly otbasy baspanaly boldy

TALDYQORǴAN. QazAqparat - Almaty oblysynda úıi órtenip ketken kópbalaly otbasy baspanaly boldy, dep habarlaıdy QazAqparat tilshisi.

26 aqpan kúni Talǵar aýdany Taldybulaq aýylynda kópbalaly otbasynyń úıinen órt shyǵyp, baspana tolyǵymen janyp ketken.

Qyzyl jalyn shyqqan kezde otbasy úıde bolǵan.

Otbasy músheleri ǵımarattan jeńil kıimmen qashyp shyǵyp, aman qalǵan.

Otbasynda 6 bala bar. Úlkeni - 14 jasta, kishisi - 7 aılyq.

Órtten keıin januıaǵa jergilikti ákimshilik pen aýyl turǵyndary, demeýshiler jáne meshit ımamdary tarapynan kómek kórsetildi.

Búgin demeýshilerdiń kómegimen kópbalaly otbasyna Talǵar qalasynan jańa baspana syıǵa berildi.