Almaty oblysynda úshem dúnıege keldi

TALDYQORǴAN.QazAqparat - Búgin Almaty kópsalaly klınıkalyq aýrýhanada dúnıege kelgen úshemder úıine shyqty, dep habarlaıdy QazAqparat tilshisi.

Úshemniń anasy Panfılov aýdanynyń turǵyny 29 jastaǵy Gýnchıgýl Mýhamet eki qyz jáne bir ul balany dúnıege ákelgen bolatyn. Eki qyz bala 2145 gr jáne 1470 gr salmaqpen týylǵan. Al ul bala 2050 gramm salmaqta dúnıege kelgen. Almaty kópsalaly klınıkalyq aýrýhananyń dırektory Elmıra Ahmetova úshemderdi anasy júktiliktiń 34-shi aptasynda bosanǵanyn aıtty.

«Balalar kesar tiligi arqyly dúnıege keldi. Perzenthanada eki apta boıy baqylaýda ustadyq. Úshemder Taııpovtar otbasynyń tuńǵyshtary. Qazir úshemderdiń de, anasynyń da jaǵdaıy birqalypty»,- dedi aýrýhananyń bas dárigeri Elmıra Aqylbekqyzy.
Panfılov aýdandyq ortalyq aýrýhanasynyń bas dárigeri Marat Abdıgalımov úshemderge qajetti medıtsınalyq kómek kórsetiletinin aıtty.
«Úshemderdiń kútimine orta medıtsına qyzmetkerleri kómek kórsetedi. Ýchaskelik dáriger balalardyń densaýlyǵyn baqylaýda ustaıdy. Sonymen qatar úshemderdi balalarǵa arnalǵan tamaqpen qamtamasyz etetin bolamyz»,- dedi bas dáriger.
Aıta keteıik, Almaty oblysynda 2021 jyly 355 egiz bala 2 úshem dúnıege kelgen bolatyn.