Almaty oblysynda úsh kúnde 400-ge jýyq adam jaýapqa tartyldy

TALDYQORǴAN. QazAqparat - Almaty oblystyq ІІD baspasóz qyzmetiniń málimetinshe, úsh kún ishinde 398 jergilikti turǵyn qoǵamdyq orynda ishimdik ishkeni úshin ákimshilik jaýapkershilikke tartylǵan. Osy kúnder ishinde óńirde 3 myńǵa jýyq ákimshilik quqyq buzýshylyq anyqtalǵan, dep habarlaıdy QazAqparat tilshisi.

Atalmysh reıd oblys kóleminde ótken respýblıkalyq «Quqyqtyq tártip» jedel aldyn alý is-sharasy aıasynda uıymdastyryldy.

«Avtojoldarda júrgizilgen reıdter barysynda 58 júrgizýshi spırttik ishimdikke nemese esirtkige masaıǵan kúıinde ustaldy. Tıisti hattamalar toltyrylyp, olar sot sheshimimen birneshe jylǵa kólik quraldaryn basqarý quqyǵynan aıyrylady. Al, arasynda osy quqyqbuzýshylyqty qaıtalaǵandary bolsa, olar ákimshilik qamaýǵa alynatynyn eskertemiz»,- delingen atalǵan vedomstvo baspasóz qyzmetiniń resmı məlimdemesinde.

Oblys aýmaǵynda júrgizilgen jumystar nátıjesinde tártip saqshylary tirkelmegen 6 ańshy myltyǵy men 1 travmatıkalyq tapanshany tárkiledi. Atalǵan qarý-jaraq tıisti tekserýlerge jiberildi. Al, olardyń ıeleri ákimshilik jaýapkershilikke tartylyp, olarǵa aıyppul salyndy.

«Іs-shara barysynda 24 jastaǵy Taldyqorǵan qalasynyń azamatynan gaz-travmatıkalyq tapansha tárkilendi. Tekserý kezinde atalǵan tapanshanyń urlanǵany anyqtaldy. Osy fakti boıynsha tıisti saraptamalar taǵaıyndalyp, anyqtaý jumystary júrgizilýde»,- dep atap ótti polıtsııa ókilderi.