Almaty oblysynda úsh demalys ornyn sý basty

ALMATY. QazAqparat – Almaty oblysynda tolassyz jaýǵan jańbyrdan úsh demalys ornyn sý basty, dep habarlaıdy QazAqparat tilshisi.

Almaty oblystyq Tótenshe jaǵdaılar departamentiniń málimetinshe, 13 shilde kúni saǵat 18:00 shamasynda Uıǵyr aýdanynda nóserli jaýyn-shashyn saldarynan «Shonjy-Qaljat» avtojolynyń 55-shaqyrymynda bıiktigi shamamen 5-10 sm bolatyn sel júrdi.

«Úsh demalys aımaǵynyń aýlasyn sý basty, al turǵyn úı-jaılar men ǵımarattarda sý basý tirkelgen joq. Qazir jaýyn-shashyn toqtady, sý deńgeıi tómendedi», - dep habarlady Almaty oblystyq Tótenshe jaǵdaılar departamentiniń baspasóz qyzmeti.

Qazirgi ýaqytta oqıǵa ornynda Almaty oblysy TJD jáne jergilikti atqarýshy organdardyń qyzmetkerleri jumys istep jatyr.

Buǵan deıin atalǵan aýdanda tolassyz jaýǵan jańbyr saldarynan respýblıkalyq mańyzy bar «Aqsaı-Shonjy» tasjolynyń 12-shaqyrymynda sel júrgen bolatyn.