Almaty oblysynda UQK-niń 25 jyldyǵyna oraı spartakıada bastaldy
15:17, 27 Sáýir 2017
TALDYQORǴAN. QazAqparat - Taldyqorǵanda QR Ulttyq qaýipsizdik komıtetiniń 25 jyldyǵyna oraı spartakıada bastaldy, dep habarlaıdy QazAqparat tilshisi.
Sporttyń 5 túrinen ótetin dodaǵa Ulttyq qaýipsizdik komıteti akademııasy, Almaty qalasy men Almaty oblysy boıynsha departamentteriniń mamandary qatysýda. Olar eki kún boıy shaǵyn fýtbol, voleıbol, sýda júzý, nysana kózdeý jáne qoıan-qoltyq urystan ózara baq synaıdy.
«Jeńimpaz komanda Astanada ótetin aqtyq dodaǵa joldama alady. Memlekettiń tutastaı qaýipsizdigin qamtamasyz etetin organ mamandarynyń shymyr bolýy kásibı talap. Sondyqtan Jetisý tórindegi jarys olardyń sporttyq qabiletterin shyńdaýǵa jaqsy múmkindik», - deıdi jarysqa qatysýshylar.
Sharanyń ashylý saltanatynda sala qyzmetkerlerin aıtýly datamen óńir basshysy Amandyq Batalov quttyqtap, jumystaryna tabys tiledi.